1 наурыз – Алғыс айту күні.

1 наурыз – Алғыс айту күні бұл мереке қазақ халқының кеңпейіл, жомарт, қонақжай және ынтымақшыл әдет-ғұрпынан бастау алатын тарихи дәстүрлеріне негізделген. Айтулы күн жақсылықты бағалай білуге, әр іске жақсылықпен жауап қайтаруға, өзара сыйластық пен құрметке бастайды. Бүгін халқымыз бір-біріне деген риясыз көңілін білдіруде. Әр адамның айналасындағы адамдарға деген ізгі ниеті мен мен жүрек жылуы бұл бір күннің ғана емес, барша ғұмырымыздың басты қағидаты болуы керек. «Ырыс алды – ынтымақ» деген халық даналығының астарында үлкен мән бар. Бауырмалдық пен достық адамдарды рухани жақындастырады және зор табыстарға жеткізеді. Сондықтан барша халқымыз үшін татулық бәрінен де қымбат. Кітапханамызда «Рахмет-ғажайып сөз» өнеге сағаты өткізілді. Баршаңызды бүгінгі мерекемен құттықтай отырып, әр отбасыға бақ-береке, бейбіт өмір және толағай табыс тілейміз! Ссылкасы:https://www.instagram.com/p/C39kfnls-W2/?utm_source=ig_web_copy_link&igsh=MzRlODBiNWFlZA==